İsrail ordusu “Hizbullah”ın daha bir komandirini ZƏRƏRSİZLƏŞDİRDİ - FOTO/VİDEO

İsrail ordusu Livanın cənubundakı Nabatiyyə rayonuna hücum edərək “Hizbullah”ın Cənub cəbhəsinin arxa təminat komandiri Abbas Həsən Karkini zərərsizləşdirib.

Bizim.Media xəbər verir ki, bu barədə İsrail ordusunun mətbuat xidməti məlumat yayıb.

Bildirilib ki, son zamanlar Karkini təşkilatın döyüş qabiliyyətinin bərpası proseslərinə rəhbərlik edib və xüsusən “Şimal oxları” əməliyyatı zamanı Litani çayının cənubunda dağıdılmış terror infrastrukturunun bərpasına kömək edirdi.

O, həmçinin “Hizbullah” qüvvələrinin bərpasına, eləcə də Livanın cənubunda silahların ötürülməsi və saxlanmasına cavabdeh olub. Bundan əlavə, son bir neçə il ərzində Abbas Karkini təşkilatda bir sıra vəzifələr tutub.




Bizim.Media