Ukraynada dəmiryolu stansiyasında qatarda qumbara partladılıb.
Bizim.Media Ukrayna mətbuatına istinadən xəbər verir ki, hadisə Jitomir vilayətinin Ovruç şəhərində baş verib.
Bildirilib ki, bir nəfər kişi hüquq-mühafizə orqanlarının əməkdaşları fərəfindən saxlanılarkən qumbaranı işə salıb.
İlkin məlumata görə, 4 nəfər ölüb, 12 nəfər yaralanıb. Partlayışın dəqiq səbəbi və digər təfərrüatlar məlum deyil.
Şahidlər partlayışın şəhərətrafı qatarda baş verdiyini və həmin şəxsin hüquq-mühafizə orqanlarına müqavimət göstərməyə cəhd etdiyini iddia edir.
Hüquq-mühafizə orqanlarının əməkdaşları hadisənin təfərrüatlarını araşdırır.

Bizim.Media



























































































