Tramp: “Donbasın Ukraynaya qaytarılması məsələsi mənim üçün prioritet deyil”

Tramp Zelenskiyə bildirib ki, Donbasın taleyindən asılı olmayaraq, Ukraynadakı müharibəni tezliklə bitirməyə çalışır.

Bizim.Media xəbər verir ki, bu barədə “The Wall Street Journal” nəşri yazıb.

Nəşrin məlumatına görə, cümə günü Ağ Evdə keçirilən görüş zamanı Tramp deyib ki, Donbasın Ukraynaya qaytarılması məsələsi onun üçün prioritet deyil, çünki ruslar artıq regionun böyük hissəsinə nəzarət edirlər. O vurğulayıb ki, bu ərazinin statusundan asılı olmayaraq, müharibənin tezliklə həllinə nail olmaq istəyir.

Bundan əlavə, iki amerikalı məmurun məlumatına görə, Tramp Zelenskiyə bildirib ki, Ukrayna yaxın zamanda uzaqmənzilli Tomahawk raketlərinin alınmasına ümid etməməlidir.

Amerikalı, avropalı və ukraynalı rəsmilərin sözlərinə görə, Tramp görüş zamanı açıq danışıb və bəzən əsəbi görünüb. Elə bir an olub ki, o, ukraynalı nümayəndə heyətinin danışıqlara gətirdiyi döyüş xəritələrinə baxmaqdan imtina edib.

Bizim.Media