“Zelenski cəsarət edib Rumıniya parlamentinə gələrsə, onun ayaqlarını sındıracam. Mənim parlamentimdə çıxış etməyə cəhd etməsin”.
Bizim.Media “gazeta.ru”ya istinadən xəbər verir ki, bu fikirləri Avropa Parlamentinin Rumıniyadan olan deputatı Diana Şoşoake bildirib.
Deputat həmçinin Ukraynanı bu ölkədə yaşayan rumınların hüquqlarını pozmaqda ittiham edib.
Onun sözlərinə görə, həmin şəxslərə öz ana dilində danışmağa, dua etməyə icazə verilmir, “pravoslavlıq isə qadağan olunub”.
Xatırladaq ki, 2023-cü ildə Zelenskinin Rumıniya parlamentində çıxışı planlaşdırılsa da, sonradan iclas ləğv edilmişdi. Ukrayna prezidenti daha sonra bildirib ki, parlamentdə çıxış etməyi planlaşdırmamışdı. Həmin dövrdə Diana Şoşoake Zelenskini “nasiszm ideyalarını daşımaqda” ittiham edərək, onun ölkəsində “heç bir işi olmadığını” söyləmişdi.
Bizim.Media
