Maltanın paytaxtı Valletta "Oxucu seçimi mükafatları 2025" (Readers Choice Awards - 2025) reytinqində Paris, Afina və Lissabon kimi turizm nəhənglərini geridə qoyaraq birinci yeri tutub.
Bizim.Media xəbər verir ki, şəhər "Condé Nast Traveller" jurnalı tərəfindən dünyanın ən gözəl paytaxtı seçilib.
Jurnalın 182 mindən çox oxucusu səs verərək şəhərin mədəniyyətini, mətbəxini və qonaqpərvərliyini yüksək qiymətləndirib.
Valletta 100 baldan 97,33 bal toplayıb. Sahəsi bir kvadrat kilometrdən az olan şəhər barokko üslubundakı sarayları, qədim istehkamları, kilsələri və dar küçələri ilə əsl açıq səma altında muzeydir.
Valletta 16-cı əsrdə Malta Cəngavərləri tərəfindən qurulub və 1980-ci ildən UNESCO-nun Ümumdünya İrs Siyahısına daxil edilib.
Bizim.Media
