Türkiyədə boşandığı həyat yoldaşının gecə saatlarında yad kişi ilə maşına minməsini çəkən kişi məhkəməlik oldu.
Bizim.Media Türkiyə mətbuatına istinadən xəbər verir ki, keçmiş arvadını təqib edə kişi onları telefonla çəkib.
Bunu bilən qadın isə ondan şikayət edib. Şikayətdən sonra keçmiş ərinə qarşı “şəxsi həyatın toxunulmazlığının pozulması” ilə bağlı iddia qaldırılıb.
Məhkəmə təqsirləndirilən şəxsi təqsirli bilib və "şəxsi həyatın toxunulmazlığını pozmaq" maddəsi ilə 2 il 1 ay müddətinə azadlıqdan məhrum edib.
Apellyasiya şikayətindən sonra işə baxan İzmir Regional Ədliyyə Məhkəməsinin 19-cu Cəza Kollegiyası yerli məhkəmənin qərarını ləğv edərək müttəhimə bəraət verib.
Qərarda qeyd edilib ki, təqsirləndirilən şəxs sübut əldə etmək üçün videonu çəkdiyinə dair ifadə verib, lakin sözügedən görüntülərin açıqlanması və ya çoxaldılıb yayılmasına dair heç bir dəlil yoxdur.
Bizim.Media
