HƏMAS Qəzzada Qabbun ailəsinin evinə edilən İsrail hava zərbəsini “amansız qətliam” adlandıraraq pisləyib.
Bizim.Media xəbər verir ki, hərəkatın məlumatına görə, hücum nəticəsində 70-dən çox dinc sakin həlak olub və yaralanıb.
Qruplaşma İsraili “atəşkəs razılaşmasının icrasını pozmağa cəhd göstərməkdə” günahlandırıb və vasitəçiləri, eləcə də ABŞ-ı dərhal müdaxilə edərək mülki əhaliyə qarşı hücumları dayandırmağa çağırıb.
Qeyd edək ki, daha əvvəl İsrail Müdafiə Qüvvələri (İDF) Qəzzadakı Sabra rayonuna zərbə endirildiyini təsdiqləyib və bildirib ki, hədəf İsrail qüvvələrinin yaxınlığında yerləşən və hərbçilər üçün birbaşa təhlükə yaradan HƏMAS bazası olub.
Bizim.Media
