Fransa "Google" və “Facebook”u cərimə etdi - SƏBƏB

Fransanın məlumat məxfiliyi xidməti Google və “Facebook”u istifadəçilərin onlayn fəaliyyətlərini izləməsinə maneçilik törətdiyinə görə ümumilikdə 210 milyon avro cərimələyib. 

Bizim.Media xəbər verir ki, bu barədə The Guardian yazır.

Milli İnformasiya və Azadlıqlar Komissiyası (CNIL) internet istifadəçilərinin kukilərdən imtina etməsini çətinləşdirdiyinə görə Google-u rekord məbləğdə - 150 milyon avro cərimələdiyini bildirib.

Bunlar kommersiya məqsədləri üçün şəxsin veb fəaliyyətini profilləşdirən kiçik mətn fayllarıdır. İnternet istifadəçilərinin kukilərdən istifadəyə əvvəlcədən razılığı Aİ məlumatların məxfiliyi tənzimləməsinin əsas elementi və CNIL üçün prioritetdir.

Eyni səbəbdən Facebook-a da 60 milyon avro cərimə kəsilib.

CNIL-də məlumatların qorunması və sanksiyaların rəhbəri Karin Kifer "Kukiləri qəbul etdiyiniz zaman, bu, sadəcə bir kliklədir. Kukiləri rədd etmək onları qəbul etmək qədər asan olmalıdır" deyib.
Nəzarətçi bildirib ki, facebook.com, google.fr və youtube.com saytları sadəcə kukilərdən imtina etməyə imkan vermir. Qərarda deyilir ki, şirkətin tənzimləyicinin tövsiyələrinə əməl etmək üçün üç ay vaxtı var.

Bizim.Media