Tanınmış müğənni arvadından boşandı - 15 kq arıqladı

Rusiyalı müğənni Qriqori Leps ikinci həyat yoldaşı Anna Şaplıkovadan boşandıqdan sonra tələsik Rusiyanı tərk edib. 

Bizim.Media “kp.ru” saytına istinadən xəbər verir ki, o, əvvəlcə mülkü olduğu İtaliyaya gedib. Yeni il tətillərini isə Dubayda və Kurşeveldə keçirib.

Həyat yoldaşı tərəfindən tərk edilmiş Qriqori Leps bir yerdə dayanmır. Sənətçi özəl məclislərdə qonaq olur.

Əvvəlcə o, Birləşmiş Ərəb Əmirliklərində zəngin və gözəlləri sevindirib. Və sonra səhnə ulduzu Kurşevelə dəvət alıb.

Boşanan musiqiçi böyük qızı İnqa ilə Alp dağlarına uçub.

Ziyafət zamanı süfrələr müxtəlif təamlarla dolu olub. Qonaqlar köpüklü şərab içib, Lepsin “Yaşamaq üçün Londona gedirəm”, “Terminator”, “Ən yaxşı gün” hitləri sədaları altında rəqs ediblər.

Qeyd edək ki, Qriqori həyat yoldaşı ilə ayrıldıqdan sonra xeyli arıqlayıb. Görünür, stress ona təsir edib.

Sənətçi 15 kiloqram arıqlayıb və deyəsən, dayanmaq fikrində deyil. İndi onun çəkisi 73 kiloqramdır. Bu haqda "StarHit" yazıb.

Bizim.Media