![Nazarbayevin müşaviri bütün sirləri açdı: \](https://bizim.media/file/articles/2022/01/07/1641569740_362039111_0_0_4896_2772_600x0_80_0_0_78ad9000130043ff0b79aa735d85c51f.jpg "Nazarbayevin müşaviri bütün sirləri açdı: \")
Qazaxıstanın birinci prezidenti Nursultan Nazarbayevin keçmiş müşaviri, sabiq mədəniyyət və informasiya naziri Yermuxamet Yertısbayev qalmaqallı açıqlama verib.
Bizim.Media "RİA Novosti"-yə istinadən xəbər verir ki, o, ölkədəki böhranın səbəblərindən biri kimi bəzi məmurlar və hüquq-mühafizə orqanları əməkdaşlarının dövlətə xəyanət etməsini göstərib.
Onun fikrincə, hazırda Qazaxıstanda baş verənlər bütün postsovet məkanında son 30 ildə ən ciddi hadisədir.
“Belə bir dövlət çevrilişinə cəhdin, silahlı üsyanın miqyası təəccüblüdür. Bunu hakimiyyətin ən yüksək eşelonundakı xainlər, xüsusən də hüquq-mühafizə orqanlarının dəstəyi olmadan həyata keçirmək mümkün deyildi”, - deyə Y.Yertsıbayev bildirib.
Bizim.Media
