Türkiyədə azərbaycanlı iş adamının burnunu it dişlədi - FOTO

Türkiyənin Samsun şəhərində azərbaycanlı iş adamı və həyat yoldaşı Pitbul itinin hücumuna məruz qalıb.

Bizim.Media xəbər verir ki, bu haqda informasiyanı Türkiyə mətbuatı yayıb.

Mənbə yazır ki, it 35 yaşlı Arif Şehrinin burnunu dişləyib.

Sahibkar həyat yoldaşı Fardina Şehri ilə işə gedərkən ağızlığı və xaltası olmayan it küçədə dayanan avtomobilin salonundan çıxaraq onlara hücum edib. 

"Fardina iti görəndə qorxdu və qaçmağa başladı. İtin sahibi uzaqdan qışqıraraq dedi ki, “qorxmayın, dişləmir”. Arvadımı qorumaq üçün itin yanına getdim, heyvan qəfildən üstümə tullandı və burnunu dişlədi. Hadisə yerinə gələn polis əməkdaşları burnumun qopmuş hissəsini axtarmağa başlayanda mən özümə gəldim” deyə Şehri qeyd edib.

Azərbaycanlı iş adamı xəstəxanaya yerləşdirilib və əməliyyat olunub.

Bizim.Media