AB-nin Belarusdakı Nümayəndəliyinin rəhbəri Dirk Şubel bəyan edib ki, Minsk ölüm hökmünün ləğvinə doğru hərəkət etməlidir.
Bizim.Media xəbər verir ki, bu haqda məlumatı “RİA Novosti” agentliyi yayıb.
"Belarusu ölüm cəzasının ləğvinə doğru addım atmağa çağırırıq. Ölkədə ədalətin və qanunun aliliyinin böyük vakuum yaratması moratoriumun tətbiqi üçün kifayət qədər bir səbəbdir" deyə diplomat bildirib.
MÖVZU İLƏ BAĞLI:
Qazaxıstanda ölüm hökmü ləğv edildi
O xatırladıb ki, Belarus Avropada ölüm hökmünün tətbiq olunduğu yeganə ölkə olaraq qalır:
“Səlahiyyətlilər həmişə edamlar haqqında nadir hallarda məlumat verirdilər, amma prosedur son vaxtlar daha da gizli qalıb".
Qeyd edək ki, 1996-cı ildə Belarusda ümumxalq referendumu üçün edam cəzasının ləğvi məsələsi irəli sürülüb. Pleybissitdə iştirak edənlərin demək olar ki, 80,5% -i onun qorunmasına səs verib.
Bizim.Media
