Şimali Makedoniyanın səhiyyə naziri Venko Filipçe Tetovo şəhərində koronavirus xəstələrinin müalicə olunduğu modul tipli xəstəxanada baş verən yanğın səbəbindən istefa verib.
Bizim.Media xəbər verir ki, bu barədə o, Şimali Makedoniyanın "Kanal5" kanalına açıqlamasında deyib.
O bildirib ki, artıq istefa ərziəsini Baş nazir Zoran Zayevə təqdim edib:
"Mən həm həkim, həm də bir nazir kimi vicdanlıyam. Bu səbəbdən istefa ərizəmi Zoran Zayevə təqdim etdim".
Xatırladaq ki, modul tipli xəstəxanada yanğın sentyabrın 8-də baş verib. Hadisə nəticəsində 14 nəfər ölüb, 12 nəfər yaralanıb.
Bizim.Media
