Rusiyada homoseksullara sərt qadağa

Rusiyada hazırlanan yeni qanun layihəsinə görə homoseksual və ya lesbiyan olan vətəndaşların valideynlik haqları əllərindən alınacaq. Moderator.az-ın  Rusiya mətbuatına istinadən verdiyi xəbərə görə, Rusiya Duması millət vəkili Aleksey Juravlevin hazırladığı yeni qanun layihəsi ilə uşaqların anormal istiqamətdə cinsi tərbiyə edən valideynlərin təsirindən qorunması nəzərdə tutulur. 

Hakim Vahid Rusiya partiyasından millət vəkili seçilən Juravlevin təklifi qəbul edilərsə, Rusiyanın ailə qanununda yeni dəyişiklik ediləcək. 

Belə ki, indiyədək uşaqlara qarşı şiddət tətbiq edənlərin valideynlik haqlarından məhrum edilməsini nəzərdə tutan qanunlara görə bundan sonra homoseksual və lezbiyanlar da bu haqlarını itirmiş olacaq. 

Ekspertlər hesab edirlər ki, Rusiyada əhalinin 7 %-ə yaxını homoseksual cinsi münasibəti üstün tutan həyat tərzi yaşayır və bunların 1/3-i uşaq sahibidir.