Bu ölkədə 3 milyonadək insan təxliyə ediləcək - SƏBƏB

Yaponiyanın hakimiyyət orqanları leysan yağışlarına görə 2 milyon 990 min nəfərə təxliyə xəbərdarlığı göndərib.

Bizim.Media Yaponiya KİV-lərinə istinadla xəbər verir ki, güclü yağışlar səbəbindən çaylarda daşqınlar və torpaq sürüşmələri gözlənilir.

Qeyd edilir ki, bu barədə tövsiyə ölkənin cənub-qərbində yerləşən Fukuoka, Saqa, Naqasaki, Kumamoto, Oiça və Kaqoşima prefekturalarına, həmçinin Hiroşima və Şimaneyə aiddir.

Meteoroloqların proqnozlarına görə, ölkənin həmin regionlarında leysan yağışlar şənbə gününədək davam edəcək və sutkada təqribən 300 millimetr yağıntı düşəcək.

Fövqəladə hava şəraiti ilə əlaqədar avqustun 13-də Yaponiyanın Baş naziri Yoşihide Suqa yerli sakinlərin təhlükəsizliyini təmin etmək üçün əlaqədar nazirliklərə lazımi tədbirlərin görülməsini tapşırıb.

Bizim.Media