Müğənni MakSim komadan çıxandan sonra ilk şərhini verdi: “Sanki 2 gün keçib”

Rusiyalı müğənni MakSim (Marina Abrosimova) komadan çıxdıqdan sonra ilk dəfə səhhətindən danışıb, həkimlərə və ondan narahat olan hər kəsə təşəkkür edib..

Bizim.Media xəbər verir ki, o, iyunun 19 -da ventilyatora qoşulub və koronavirus testi mənfi çıxıb. Bir neçə həftədir ki, ağır vəziyyətdə süni komada olub. 

Avqustun 3 -də MakSimin sözçüsü “RİA Novosti” agentliyinə müğənninin şüurlu olduğunu və sağaldığını bildirib.

"Nəhayət, hamınıza şəxsən təşəkkür edə bilərəm. Hər şeydən əvvəl, bütün bu müddət ərzində mənim üçün səmimi olaraq narahat olanlara, həkimlərə və xəstəxananın bütün işçilərinə təşəkkür etmək istəyirəm” deyə müğənni İnstagram səhifəsində yazıb.

Dediyinə görə, uzun müddət komada qaldığına inana bilməyib. Hisslərinə görə sanki iki gün keçib.

"İndi mən hələ də çox zəifəm, yeriməyə çalışanda şiddətli başgicəllənmə başlayır. Ancaq ümid edirəm ki, tezliklə ailəmlə qucaqlaşmaq üçün evdə olacağam", deyə MakSim yazıb.

Əlavə edib ki, "həkimin reseptlərinə görə bir müddət uçuşlar və tamaşalar qadağandır, ağciyərlər hələ də sağalır, gərginləşməməlidir".

Qeyd edək ki, rusiyalı müğənni Marina Abrosimova daha çox MakSim təxəllüsü ilə tanınır. 2000-ci illərin ortalarında "Çətin yaş" albomunun çıxmasından sonra geniş populyarlıq qazanıb.

Bizim.Media