Ukrayna Luqansk ətrafına ordu toplayır - Kiyev savaşa hazırlaşır? 

Ukrayna ordusunun separatçıların nəzarətində olan, Luqansk ətrafında mövqelərini gücləndirdiyi bildirilir. 

Bizim.Media “Ria Novosti”yə istinadən xəbər verir ki, bu barədə Qondarma Luqansk Respublikasının rəhbərliyi məlumat verib. 

Belə ki, separatçıların polis rəisi İvan Filiponenko rəsmi Kiyevin atəşkəs xəttində mühəndis-bərpa işləri gördüyünü, xüsusilə də yeni səngərlərin qazıldığını və postların möhkəmləndirildiyini bildirib. 

Qeyd edək ki, Ukraynanın şərqində yerləşən Donetsk və Luqansk bölgələri rəsmi Kiyevdən ayrılaraq, özlərini müstəqil respublika elan ediblər.

Bununla barışmaq istəməyən Ukrayna hökuməti isə, öz suverenliyini bərpa etmək üçün 2014-cü ildən bəri separatçı respubliklara qarşı mübarizə aparmağa davam edir. 

Bizim.Media