İsrailin milli təhlükəsizlik naziri İtamar Ben-Qvir yəhudilərin Sukot bayramı ərəfəsində bir qrup israilli ilə birlikdə Qüdsdə yerləşən Əl-Əqsa məscidinin ərazisinə daxil olub.
O, burada dua edib və talmud ayinləri icra edib.
Bizim.Media xəbər verir ki, bu barədə Jerusalem Post yazıb.
Nazirin sözlərinə görə, o, “İsrailin qələbəsi, HƏMAS-ın məhv edilməsi və girovların qaytarılması üçün” dua edib.
“Biz Məbəd dağının sahibləriyik”, deyə Ben-Qvir əlavə edib.
Qeyd edək ki, 1967-ci il Altıgünlük müharibədən sonra İsrail Şərqi Qüdsə, o cümlədən Məbəd dağına nəzarəti ələ keçirsə də, dini həyatın idarəsini İordaniyanın İslam Vəqfinə buraxmışdı.
Mövcud status-kvoya əsasən, müsəlmanlar burada sərbəst şəkildə ibadət edə bilirlər, qeyri-müsəlmanlar (o cümlədən yəhudilər) isə yalnız müəyyən saatlarda əraziyə daxil ola və ibadət edə bilər.
Bizim.Media
