Rusiya Daxili İşlər Nazirliyi və Federal Təhlükəsizlik Xidmətinin əməkdaşları Moskva Satira Teatrının keçmiş direktoru Məmmədalı Ağayevi saxlayıblar.
Bizim.Media xəbər verir ki, bu barədə Rusiya Daxili İşlər Nazirliyinin rəsmi nümayəndəsi İrina Volk məlumat yayıb.
Sabiq direktor barəsində “Dələduzluq” maddəsi ilə cinayət işi açılıb. Belə ki, o, rəhbərlik etdiyi teatrla müqavilə bağlamaq üçün fərdi sahibkarı qeydiyyata alıb. Eyni zamanda saxta hesabatlar hazırlayaraq hər tamaşanın kassasından 4% gəlir alıb.
O, saxlanılaraq istintaqa cəlb olunub və həm öz hesabları, həm də yaxın qohumlarının aktivləri müsadirə olunub.
Qeyd edək ki, Məmmədəli Ağayev 1992-ci ildən 2021-ci ilə qədər Satira Teatrının rəhbəri olub.
Bizim.Media
