Rusiya Ukraynada ABŞ şirkətini vurdu – FOTO

Rusiya Ukraynada Amerikaya məxsus elektronik məhsullar istehsal edən müəssisəyə hücum edib.

Bizim.Media xəbər verir ki, bu barədə Ukraynanın xarici işlər naziri Andrey Sibiqa sosial şəbəkədə məlumat yayıb.

Onun sözlərinə görə, bu müəssisə tamamilə mülki məqsədlər üçün fəaliyyət göstərib və heç bir hərbi səciyyəyə malik olmayıb.

Sibiqa bu hücumun Ukraynada Amerika maraqlarına qarşı ilk hücum olmadığını bəyan edib və bu ilin əvvəlində Kiyevdə “Boeing” ofisinin hədəfə alınmasını xatırladıb.

Ukrayna XİN rəhbəri ölkəsinin havadan müdafiə sistemlərinin gücləndirilməsinin zəruri olduğunu vurğulayıb.






Bizim.Media