Ukrayna Prezidenti Volodimir Zelenski avqustun 18-də amerikalı həmkarı Donald Trampla görüşmək üçün Vaşinqtona getməyi planlaşdırır.
Bizim.Media xəbər verir ki, bu barədə Zelenski teleqramda yazıb.
“Prezident Trampla əvvəlcə təkbətək, sonra da Avropa liderlərinin iştirakı ilə uzun, mənalı söhbət etdik.
Ümumilikdə biz bir saat yarımdan çox, təxminən bir saat prezident Trampla danışdıq.
Prezident Tramp mənə Rusiya lideri ilə görüşü və söhbətin əsas məqamları barədə məlumat verdi.
Biz prezident Trampın Ukrayna, Amerika və Rusiya arasında üçtərəfli görüş təklifini dəstəkləyirik. Bazar ertəsi Vaşinqtonda prezident Trampla müzakirə edəcəyəm.
Dəvət üçün təşəkkür edirik” – o qeyd edib.
Bizim.Media
