Belarusun hava hücumundan müdafiə qüvvələri Ukraynaya doğru uçan Rusiya istehsalı olan zərbə dronunu məhv edib.
Bizim.Media xəbər verir ki, bu barədə informasiyanı Rusiya mətbuatı yayıb.
Verilən məlumata görə, “Gerber” tipli zərbə pilotsuz uçuş aparatı Belarus hava məkanının müşahidəsini həyata keçirən Mi-24 helikopteri tərəfindən aşkar edilib və vurulub.
Ukrayna kəşfiyyat mənbələrinin məlumatına əsasən, həmin an Belarus hava məkanında azı üç rus dronu olub. Belarus ordusunun helikopteri hava məkanına nəzarət tapşırığını yerinə yetirərkən dronun aşkarlandığını və məhv edildiyini raport edib.
Sonda qeyd olunur ki, vurulan dronun qalıqları Belarusun Qomel vilayəti ərazisinə düşüb.
Bizim.Media
