Yekaterinburqun Leninski Rayon Məhkəməsi bir neçə gün əvvəl Rusiya hüquq-mühafizə orqanlarının keçirdiyi xüsusi əməliyyat zamanı saxlanılan Kamal Səfərovun həbs olunması barədə qərar qəbul edib.
Bizim.Media xəbər verir ki, bu barədə məhkəmə rəsmi bəyanat yayıb.
“Məhkəmə istintaqçının vəsatətini nəzərdən keçirərək, şübhəli şəxs Kamal Qədimalı oğlu Səfərov barəsində 19 iyul tarixinə qədər həbs qətimkan tədbirinin seçilməsi barədə qərar çıxarıb”, — məlumatda qeyd edilib.
Qeyd edək ki, K. Səfərov da saxlanılarkən işgəncələrə məruz qalıb, ağır vəziyyətdə xəstəxanaya aparılıb. Daha sonra o, xəstəxanadan evə buraxılmışdı.
Xatırladaq ki, iyunun 27-də səhər saatlarında Rusiya Federal Təhlükəsizlik Xidməti Yekaterinburq şəhərində azərbaycanlıların yaşadığı evlərə basqın edib. Basqın zamanı 2 azərbaycanlı öldürülüb, bir neçə nəfər saxlanılıb. Öldürülən azərbaycanlılar tanınmış jurnalist Seyfəddin Hüseynlinin qardaşlarıdır.
Bizim.Media
