Rusiya “Rus Evi”nin mümkün bağlanması məsələsini nizamlamağa çalışır və bu məqsədlə Azərbaycan tərəfi ilə təmasdadır.
Bizim.Media xəbər verir ki, bu barədə Rusiya Xarici İşlər Nazirinin müavini Mixail Qaluzin “İzvestiya” nəşrinə açıqlama verib.
“Biz istəyirik ki, bu məsələ nizamlansın və “Rus Evi” bağlanmasın. Hazırda bu istiqamətdə Azərbaycan tərəfi ilə təmasdayıq. Hesab edirik ki, bu məsələ Rusiya və Azərbaycan arasında müttəfiqlik xarakterli əməkdaşlıq çərçivəsində həll olunmalıdır. Biz düşünürük ki, bu cür məsələlərə də məhz belə yanaşmaq lazımdır”, – deyə o bildirib.
Qaluzin əlavə edib ki, hər iki ölkənin vətəndaşlarının bir-birinin mədəniyyəti və adət-ənənələri ilə tanış olması üçün Rusiya və Azərbaycandakı müvafiq strukturlar vasitəsilə maksimum imkanlar yaradılmalıdır.
Bizim.Media
