İranda qum fırtınası: Dövlət idarələri və məktəblər bağlandı

İranın bəzi vilayətlərində qum fırtınası qeydə alınıb.

Bizim.Media xəbər verir ki, bu barədə IRNA agentliyi məlumat yayıb.

Mənbə qeyd edir ki, havanın çirklənməsi ölkənin cənub-qərb hissəsindəki bəzi vilayətlərdə həyata mənfi təsir edib. Atom elektrik stansiyalarının yerləşdiyi Lorestan, Kermanşah, Kohqiluye-Buyer Əhməd və Buşehr əyalətlərində bütün səviyyələrdə rəsmi ofislər, banklar və təhsil müəssisələri bağlanıb, dərslər onlayn formata keçib.

İraq və Körfəz ölkələri ilə həmsərhəd olan Xuzistan vilayətində isə avia uçuşlarda fasilə yaranıb.

Yeri gəlmişkən, Küveyt, Qətər, Bəhreyn, BƏƏ və Səudiyyə Ərəbistanı da daxil olmaqla Körfəz ölkələrində güclü qum fırtınası baş verir.

Bizim.Media