“Rusiya prezidenti Vladimir Putin Ukraynanın uzunmüddətli müstəqilliyinə zəmanət verən sülh sazişi ilə razılaşmasa, ABŞ Moskvaya qarşı sanksiyalar və potensial hərbi əməliyyatlara başlaya bilər”.
Bizim.Media xəbər verir ki, bu fikirləri ABŞ-ın vitse-prezidenti JD Vens “Wall Street Journal”a müsahibəsində səsləndirib.
“Bizim iqtisadi alətlərimiz, o cümlədən Putinə qaşrı istifadə edə biləcəyimiz hərbi vasitələrimiz var. İstənilən sayda forma və variantlar mövcuddur. Lakin biz Ukraynanın suverenliyinə, müstəqilliyinə əhəmiyyət veririk”, - deyə ABŞ rəsmisi qeyd edib.
Xatırladaq ki, fevralın 13-də Rusiya Prezidenti Vladimir Putin və ABŞ-lı həmkarı Donald Tramp arasında telefon danışığı baş tutub. Liderlər Ukraynadakı münaqişəni müzakirə ediblər və münaqişəyə sülh danışıqları yolu ilə son qoymaq barədə razılığa gəliblər.
Bizim.Media
