Şolts ÇAĞIRIŞ ETDİ: Almaniyada fövqəladə vəziyyət tətbiq edilsin

Almaniya kansleri Olaf Şolts Bundestaqı ölkədə fövqəladə vəziyyət tətbiq etməyə çağırıb.

Bizim.Media xəbər verir ki, Şolts bu barədə xalqa müraciətində deyib.

Onun sözlərinə görə, belə bir tədbir son 24 saat ərzində baş verən hadisələr və ABŞ-nin Ukraynaya verdiyi bəyanatlar fonunda zəruridir.

Almaniya kansleri təklif edib ki, Bundestaq təcili olaraq Ukraynadakı müharibəni fövqəladə vəziyyət kimi tanıyan qətnamə qəbul etsin. Çünki bu, dövlətin digər xərclərinə xələl gətirmədən müdafiə üçün əlavə vəsaitin ayrılmasına imkan verəcək.

"Bu o deməkdir ki, bu gün həmişəkindən daha vacib olan Ukraynaya dəstəyimiz bundan sonra dövlətimizin öz vətəndaşları ilə bağlı yerinə yetirməli olduğu digər vəzifələr hesabına olmayacaq", - Almaniya kansleri bildirib.

Bizim.Media