NATO-nun Baş katibi Mark Rutte Ukrayna üzrə danışıqların tərəfdarı olduğunu bildirərək, ABŞ Prezidenti Donald Trampla Rusiya lideri Vladimir Putinin telefon danışığını uğurlu adlandırıb.
Bizim.Media xəbər verir ki, bu barədə Rutte jurnalistlərə açıqlamasında bildirib.
Onun sözlərinə görə, iki liderin telefon danışığı Ukrayna məsələsi üzrə danışıqların başlaması barədə təəssürat yaradır.
"Aydındır ki, bu, belə təəssürat yaradır. Uğurlu telefon zəngi idi" – deyə NATO-nun Baş katibi bildirib.
Eyni zamanda, Rutte bu danışıqları tamamilə dəstəklədiyini ifadə edib.
Qeyd edək ki, Rusiya və ABŞ liderləri arasında telefon danışığı ötən gün axşam saatlarında baş tutub və bir saat yarım davam edib.
Bizim.Media
