Makronun arvadını kişi adlandıran jurnalist Rusiyadan sığınacaq İSTƏDİ

Fransa prezidenti Emmanuel Makronun həyat yoldaşı Bricitin kişi doğulduğunu iddia edən jurnalist Nataşa Rey Rusiyadan siyasi sığınacaq istəyib.

Bizim.Media xəbər verir ki, bu barədə onun vəkili Fransua Danqlean X sosial şəbəkəsindəki səhifəsində məlumat verib.

Vəkil qeyd edib ki, Rey Fransada qanuni təqiblərlə əlaqədar Rusiya Dövlət Dumasının deputatı Pyotr Tolstoydan siyasi sığınacaq istəyir.

Lakin o, rəsmi sorğunun olub-olmadığını və jurnalistin hansı quruma müraciət etdiyini açıqlamayıb.

Qeyd edək ki, özünü müstəqil jurnalist adlandıran Nataşa Rey 2021-ci ilin dekabrında “YouTube”da yayımladığı videoda bir neçə ildir ki, Fransanın birinci xanımını araşdırdığını bildirib. Onun sözlərinə görə, Makronun məktəb müəllimi olan Bricit, əslində kişi doğulub və adı Jan-Mişeldir. Video viral olub və qısa müddətdə digər ölkələrin media orqanlarında yayılıb.

2024-cü ilin sentyabrında Paris məhkəməsi Reyin böhtana görə 13,5 min avro cərimələnməsi barədə hökm çıxarıb. Daha sonra Kassasiya Məhkəməsi bu hökmü qüvvədə saxlayıb.

Bizim.Media