Belarus hökuməti istefa verib.
Bizim.Media xəbər verir ki, bu barədə informasiyanı Nazirlər Kabinetinin mətbuat xidməti yayıb.
Mənbə qeyd edir ki, müvafiq sərəncamı baş nazir Roman Qolovçenko imzalayıb. Respublika Konstitusiyasına uyğun olaraq, prezident seçkilərindən sonra hökumətin səlahiyyətlərinə xitam verilib.
Qərar qəbul edildiyi gündən qüvvəyə minib.
Xatırladaq ki, Belarusda prezident seçkiləri yanvarın 26-da keçirilib. Ölkənin Mərkəzi Seçki Komissiyasının məlumatına görə, hazırkı prezident Aleksandr Lukaşenko qalib gəlib. 1994-cü ildən Belarusda ən yüksək dövlət postunu tutan Lukaşenko üçün bu, 7-ci prezidentlik müddətidir.
Bizim.Media
