Google Maps ABŞ istifadəçiləri üçün Meksika körfəzinin adını "Amerika körfəzi" olaraq dəyişəcək.
Bizim.Media xəbər verir ki, bu barədə Google şirkəti özünün Twitter səhifəsində yazıb.
Mənbə bildirib ki, “Amerika körfəzi” yalnız ABŞ-dan olan istifadəçilərə göstəriləcək, digər ölkələrdən olan istifadəçilər isə hər iki adı görəcəklər. Meksikada Meksika körfəzi hələ də Google Maps-da Meksika körfəzi kimi qeyd olunacaq.
Bundan əlavə, Alyaskadakı Denali dağının adı da xəritələrdə dəyişəcək. O, 1901-ci ildə qətlə yetirilən ABŞ prezidenti Uilyam Mak-Kinlinin şərəfinə Mak-Kinli zirvəsi adlandırılacaq.
Xatırladaq ki, yanvarın 25-də ABŞ prezidenti Donald Tramp Meksika körfəzinin adını Amerika körfəzi, Alyaskadakı Denali dağını isə Mak-Kinli zirvəsi adlandırıb.
Reuters yazır ki, Meksika körfəzinin adının dəyişdirilməsi beynəlxalq səviyyədə tanınmaya bilər.
Bizim.Media
