ABŞ-da növbəti İNSİDENT - Trampın hoteli hədəf alındı - ANBAAN VİDEO

Hazırda oxunan: ABŞ-da növbəti İNSİDENT - Trampın hoteli hədəf alındı - ANBAAN VİDEO

228149

ABŞ-da Las Veqas şəhərində Tramp Beynəlxalq Hoteli qarşısında “Tesla” markasının “Cybertruck” (Saybertrak) model avtomobili partlayıb.

Bizim.Media xarici KİV-ə istinadən xəbər verir ki, hadisə nəticəsində bir nəfər sürücü ölüb, 7 nəfər xəsarət alıb.

Hüquq-mühafizə orqanları hadisəni növbəti terror akti ehtimalı kimi nəzərdən keçirir. Hadisənin Yeni Orleandakı terror aktı ilə bağlılığı araşdırılır.

“Tesla”nın sahibi İlon Mask şirkətin məsələni araşdırdığını bildirib. Onun sözlərinə görə, partlayış icarəyə götürülmüş avtomobildə daşınan bomba nəticəsində baş verib və avtomobillə əlaqəsi yoxdur.

Federal Təhqiqatlar Bürosunun (FTB) xüsusi agenti Ceremi Şvarts hadisənin terror hücumu adlandırılmasının tez olduğunu bildirib.

Qeyd edək ki, dünən ABŞ-ın Nyu-Orlean şəhərində sürücünün yük maşınını izdihamın üzərinə sürməsi nəticəsində ən azı 10 nəfər həlak olub, daha 30 nəfər xəsarət alıb.

Bizim.Media