Rusiyada An-2 təyyarəsi radarlardan itdi

Kamçatkada kommersiya yükləri daşıyan An-2 təyyarəsi radarlardan itib.

Bizim.Media TASS-a istinadən xəbər verir ki, bu barədə Kamçatka diyarının fövqəladə hallar naziri Sergey Lebedev “VKontakte” səhifəsində yazıb.

“Milkovo - Ossora marşrutu üzrə yük daşıyan An-2 təyyarəsi yoxa çıxıb və ilkin məlumatlara görə, qəza sensoru işə düşüb. Mən sizə təfərrüatları öyrəndikcə danışacağam”, - Lebedev qeyd edib.

Daha sonra Rusiya Fövqəladə Hallar Nazirliyinin Kamçatka ərazisi üzrə Baş İdarəsinin mətbuat xidməti deyib ki, təyyarənin təcili enişi barədə siqnal daxil olub.

“Region axtarış-xilasetmə bazasının xilasediciləri axtarış işlərini həyata keçirmək üçün Tiliçiki kəndindən uçub", - deyə idarənin mətbuat xidmətindən bildirilib.

Bizim.Media