Kadırov Suriyaya buğda göndərəcək

Çeçenistanın rəhbəri Ramzan Kadırov Rusiyadan Suriyaya buğda tədarükünün dayandırılması ilə bağlı məlumatı təkzib edib.

Bizim.Media Rusiya mətbuatına istinadən xəbər verir ki, o, lazım gələrsə, xeyriyyə fondu vasitəsilə ərzaqları şəxsən təmin edəcəyini deyib.

“İki ölkə arasında müqavilə ilə bağlı olmayan, kommersiya taxıl daşıyan quru yük gəmilərinin saxlanması ilə bağlı məlumatlar təhrif olunub. Bəzi qeyri-mümkün və inanılmaz səbəblərə görə bu baş versə belə, mən Çeçenistan Respublikasının rəhbəri kimi məsuliyyəti öz üzərimə götürməyə və Suriya üçün lazımi miqdarda buğda verməyə hazıram”, - o Telegram kanalında yazıb.

Bizim.Media