“Noyabrın 5-də keçirilən prezident seçkilərində məğlub olan ABŞ-ın vitse-prezidenti Kamala Harris ailəsi ilə birlikdə Havay adalarına istirahətə yollanıb”.
Bizim.Media xəbər verir ki, bu barədə Ağ Evin sözçüsü Karine Jan-Pyer mətbuat konfransında məlumat verib.
Onun sözlərinə görə, siyasətçi ailəsi ilə vaxt keçirmək üçün işinə ara verib:
“Bunda səhv bir şey olduğunu düşünmürəm. Fikrimcə, o, ailəsi ilə və işdən uzaqda vaxt keçirməyə layiqdir. o, son dörd ildə çox çalışıb”.
Məlumata görə, Harris noyabrın 19-da Havay adalarına yola düşüb.
Xatırladaq ki, noyabrın 5-də keçirilən prezident seçkilərində Demokratların namizədi olan Kamala Harris Respublikaçıların namizədi Donald Trampa məğlub olub.
Bizim.Media
