ABŞ-ın yeni prezidenti Donald Tramp vəzifəsinin ilk günündə “Rusiya və Ukraynanı danışıqlar masasına oturtmaq” niyyətindədir.
Bizim.Media xəbər verir ki, bu barədə Associated Press (AP) agentliyinə Respublikaçıların qərargahının mətbuat katibi Karolin Livitt bildirib.
O qeyd edib ki, seçkilərdə qalib gəldikdən sonra Tramp “Rusiya və Ukrayna arasında sülh sazişi üzrə danışıqlar aparmaq” imkanı əldə edəcək.
Respublikaçı “bu müharibəni bitirmək üçün Tramp yeni prezidentlik müddətinin ilk günündə Rusiya və Ukraynanı danışıqlar masasına gətirmək niyyətindədir” deyə əlavə edib.
Daha əvvəl mətbuat katibi bildirmişdi ki, Tramp rəsmi vəzifəyə gəldikdən sonra ilk həftə ərzində onlarla müvafiq fərman imzalayaraq Co Bayden administrasiyasının sərəncamlarını ləğv edəcək.
Bizim.Media
