Gürcüstan prezidenti: “Seçkilərdə "erməni karuseli"ndən istifadə olunub”

Gürcüstanda keçirilən parlament seçkilərində “erməni karuseli”ndən istifadə edilib.

Bizim.Media xəbər verir ki, bunu ölkə prezidenti Salome Zurabişvili bildirib.

“Biz buna “erməni karuseli” deyirik. Bilmirəm, bəlkə Ermənistanda buna “gürcü karuseli” deyirlər... Bu o deməkdir ki, seçkilərdən bir müddət əvvəl sosial cəhətdən həssas insanların şəxsiyyət vəsiqələri müxtəlif bəhanələrlə götürülür və sonra səsvermə üçün istifadə edilir. Bir şəxsiyyət vəsiqəsi və müxtəlif elektron cihazlarla bu, hətta 17 dəfə mümkün olub. Onların ixtiyarında çoxlu sayda şəxsiyyət vəsiqəsi və şəxsi nömrələr olub”, - Zurabişvili “The Associated Press”ə müsahibəsində bildirib.

Bizim.Media