Ukrayna Prezidenti Volodimir Zelenski ölkəsində 9 Mayın “Avropa Günü” kimi qeyd olunması ilə bağlı fərman imzalayıb.
Sfera.az bildirir ki, sözügedən qərarın Ukrayna vətəndaşlarının “avropa kimliyi”nə görə verildiyi qeyd olunub. Sərəncamda bildirilib ki, yeni bayram Avropa xalqlarının birliyini möhkəmləndirməli, eyni zamanda sülh, təhlükəsizlik və sabitliyə töhfə verməlidir.
“Ukraynada hər il mayın 9-da Aİ ölkələri ilə birlikdə qeyd olunan “Avropa Günü”nü təsis etmək qərarına gəldim”, - sənəddə vurğulanıb. Bundan əlavə, Zelenski 8 may tarixini İkinci Dünya Müharibəsində Nasizm üzərində Qələbə və Anım Günü elan etməyi təklif edib.
Türkan
