“Hazırda Ukraynanın NATO-ya qəbulu ilə bağlı qərar qəbul etməyə ehtiyac yoxdur”.
Bizim.Media xəbər verir ki, bu barədə Almaniya kansleri Olaf Şolts ZDF televiziyasına müsahibəsində deyib.
“Biz Vaşinqtonda və Vilnüsdə qərar qəbul etdik və perspektivi təsvir etdik, lakin mən hesab edirəm ki, indi bu qərardan başqa yeni qərara ehtiyac yoxdur.
Hesab edirəm ki, müharibə vəziyyətində olan bir ölkənin NATO-ya üzv ola bilməyəcəyini açıq şəkildə bildirmək çox vacibdir, bunu hamı bilir, bu məsələdə heç bir fikir ayrılığı yoxdur”, - deyə Almaniya hökumətinin başçısı bildirib.
Eyni zamanda, o qeyd edib ki, NATO-ya dəvət adətən üzvlüklə kifayət qədər tez təqib olunur.
Bizim.Media
