Fransa 2025-ci ilin əvvəlində Kiyevə yeni raketlərlə təchiz olunmuş “Mirage-2000” qırıcıları tədarük etmək niyyətindədir.
Bizim.Media xəbər verir ki, bu barədə Fransanın müdafiə naziri Sebastyan Lekornu bildirib.
“2025-ci ilin birinci rübündə “Mirage-2000” qırıcılarının Ukraynaya tədarükü planlaşdırılır. Onlar yeni hava-yer silahları və radio-elektron mübarizə vasitələri ilə təchiz olunacaq”, - deyə nazir qeyd edib.
Fransa Prezidenti Emmanuel Makron hələ iyunun əvvəlində demişdi ki, Kiyevə “Mirage-2000” qırıcıları tədarük oluna bilər.
Rusiya isə öz növbəsində dəfələrlə bəyan edib ki, Qərbin hərbi yardımı Ukraynada vəziyyəti dəyişməyəcək və yalnız münaqişənin uzanmasına səbəb olacaq.
Bizim.Media
