Yaponiyada daşqınlar: 11 ölü var

Yaponiyanın İşikava prefekturasında şiddətli leysan yağışların səbəb olduğu daşqınlar 11 nəfərin ölümünə səbəb olub.

Bizim.Media xəbər verir ki, bu barədə informasiyanı NHK telekanalı yayıb.

Mənbə yazır ki, ölüm hallarının doqquzu Vadzima, ikisi isə Suzu şəhərində qeydə alınıb.

Hakimiyyət orqanları, həmçinin Suzu və Noto şəhərlərində iki nəfərin itkin düşdüyünü bildirib. Vadzima şəhərində isə bir neçə nəfərlə əlaqə saxlamaq mümkün olmayıb. Axtarış-xilasetmə dəstələri itkin düşən şəxslərin axtarışını davam etdirir.

Qeyd edək ki, sentyabrın 21-22-də İşikava prefekturasında rekord leysan yağışları olub. Yağışlar nəticəsində baş verən güclü sel və torpaq sürüşmələri böyük fəsadlar törədib. Hakimiyyət orqanları əhalini diqqətli olmağa çağırıb.

Bizim.Media