Türkiyə siyasətçiləri Dəməşq və Ankara arasında münasibətlərin normallaşması və Türkiyə qoşunlarının Suriya ərazisindən çıxarılmasının mümkün olacağı dörd şərt müəyyən ediblər.
Bizim.Media xəbər verir ki, bu barədə CNN Turk məlumat yayıb.
Türkiyə Xarici İşlər Nazirliyindəki mənbələrin telekanala verdiyi məlumata görə, dövlətlər arasında münasibətlərin normallaşmasının ilk şərti suverenliyi qorumaq üçün Suriyada terrorçulardan xilas olmaqdır.
İkincisi, Dəməşq BMT Təhlükəsizlik Şurasının Suriyada siyasi böhranın həllini və atəşkəsi nəzərdə tutan 2254 saylı qətnaməsinin müddəalarını həyata keçirməyə başlamalıdır.
Üçüncü şərt Suriya hakimiyyətinin ölkədən qaçmış qaçqınların geri qayıtması üçün şərait yaratmasına aiddir. Dördüncü şərt isə Suriya prezidenti Bəşər Əsədin əleyhdarlarının nəzarətində olan ərazilərə humanitar yardımların müntəzəm çatdırılmasıdır.
Xatırladaq ki, Suriyada vətəndaş müharibəsi 2011-ci ildə başlayıb. Türkiyə daha sonra Əsədin müxaliflərinin tərəfini tutub. 2024-cü ilin yayında Suriya-Türkiyə münasibətlərinin normallaşması kursu başlayıb.
Avqustun 25-də Əsəd Rusiya, İran və İraqın təmsil olunduğu vasitəçilərin səylərinə baxmayaraq, Suriya ilə Türkiyə arasında yaxınlaşma prosesində irəliləyiş olmadığını bildirib.
Bundan əvvəl Türkiyə Müdafiə Nazirliyinin qoşunların Suriyadan çıxarılmasını yeni konstitusiyanın qəbulu ilə əlaqələndirdiyi bildirilirdi.
Bizim.Media
![Türkiyə qoşunlarının Suriyadan çıxarılması üçün DÖRD ŞƏRT Türkiyə qoşunlarının Suriyadan çıxarılması üçün DÖRD ŞƏRT](https://bizim.media/file/articles/2024/08/28/1724845257_04536b30f34e5183e996c66eda0e34a1.jpg)
- A-
- A
- A+
Dünya
15:42 / 28.08.2024
Türkiyə qoşunlarının Suriyadan çıxarılması üçün DÖRD ŞƏRT
Hazırda oxunan: Türkiyə qoşunlarının Suriyadan çıxarılması üçün DÖRD ŞƏRT
Hazırda oxunan: Türkiyə qoşunlarının Suriyadan çıxarılması üçün DÖRD ŞƏRT
208800
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.