Yunanıstan meşə yanğınlarına görə Aİ-dən kömək istədi – FOTO/VİDEO

Yunanıstan Afianda günlərdir davam edən meşə yanğınlarının qarşısını ala bilmədiyi üçün Avropa İttifaqından (Aİ) kömək istəyib. 

Bizim.Media “Euronews”a istinadən xəbər verir ki, Avropa İttifaqının sözçüsü Balazs Ujvari İtaliya, Fransa, Çexiya və Rumıniyanın yanğınla mübarizədə Yunanıstana kömək etmək üçün hava və quru dəstək göndərdiyini təsdiqləyib. 

“Fransa 180 mülki təhlükəsizlik yanğınsöndürən və 55 yük maşını ilə birlikdə su qabı ilə təchiz edilmiş Super Puma helikopterini göndərəcək. 

İtaliya iki Canadair tipli yanğınsöndürmə təyyarəsi ilə köməklik göstərəcək, Çexiya isə 75 yanğınsöndürən və 25 maşın, o cümlədən doqquz su qovşağı göndərir. 

Yaxın günlərdə İspaniya və Türkiyədən əlavə yardım gözlənilir”, - o, bildirib. 

Ölkənin milli yanğınsöndürmə idarəsinin sözçüsü Vassileios Vathrakogiannisin "fövqəladə təhlükəli" adlandırdığı alovları söndürmək üçün Yunanıstan tərəfindən təxminən 670 yanğınsöndürən cəlb olunduğunu vurğulayıb. 

Qeyd edək ki, şənbə günündən etibarən başlayan yanğınlar nəticəsində bir nəfər ölüb. Mindən çox sakin təxliyə edilib. Yanğın hələ də davam edir. 



Bizim.Media