Baydendən SENSASİON AÇIQLAMA – Tramp məğlub olsa, ABŞ-da vətəndaş müharibəsi olacaq?

Co Bayden Donald Trampın seçkilərdə uduzacağı təqdirdə ABŞ-da “hakimiyyətin dinc yolla ötürüləcəyinə” əmin olmadığını deyib.

Bizim.Media xəbər verir ki, ABŞ Prezidenti “CBS” telekanalına müsahibəsində bu barədə danışıb.

“O istədiyini dediyi üçün biz onu ciddiyə almırıq. Amma o ABŞ “qan gölməçəsinə çevriləcək” deyəndə sözün həqiq mənasında bunu nəzərdə tutur”, - Bayden bildirib.

Qeyd edək ki, Tramp mart ayında verdiyi müsahibəsində seçkilərdə məğlub olacağı təqdirdə ABŞ-ın qan gölünə çevrilə biləcəyini qeyd etmişdi. Lakin Tramp sonradan fikirlərini izah edərkən, söhbətin Amerikanın avtomobil sənayesini xarici rəqabətdən qorumaqdan getdiyini, yalnız bu kontekstdə “qan gölü”ndən bəhs etdiyini bildirmişdi.

Xatırladaq ki, 2021-ci ilin yanvarında məğlubiyyətlə barışmayan Tramp tərəfdarları Kapitoli binasını zəbt etmişdilər.

Bizim.Media