Netanyahu müdafiə nazirini və Baş Qərargah rəisini istefaya göndərəcək?

İsrailin Baş naziri Benyamin Netanyahu ölkənin müdafiə naziri Yoav Qalantı, Silahlı Qüvvələrin Baş Qərargah rəisi Herz Halevini və Baş Təhlükəsizlik Xidmətinin (Şin Bet əks-kəşfiyyat agentliyi) rəhbəri Ronen Barı istefaya göndərməyi planlaşdırır.

Bizim.Media xəbər verir ki, bu barədə "The Times of Israel" qəzeti “Walla News”un müxbiri Tal Şalevə istinadən məlumat yayıb.

Onun sözlərinə görə, Netanyahu Qalantı ABŞ-a səfərindən sonra istefaya göndərmək istəsə də, bu qərarın icrası “Hizbullah”ın Məcdəl Şəmsə hücumu, HƏMAS lideri və “Hizbullah”ın hərbi qanadının liderinin öldürülməsi səbəbindən təxirə salınıb.

Bizim.Media