Rusiyanın paytaxtı Moskvada “Toyota Land Cruiser” markalı avtomobil partlayıb.
Bizim.Media Rusiya mətbuatına istinadən xəbər verir ki, hadisə səhər saatlarında Moskvanın şimalında Sinyavinskaya küçəsindəki evlərin birinin həyətində baş verib.
Partlayış zamanı avtomobildə bir qadın və bir kişi olub. Onlar ağır xəsarətlərlə xəstəxanaya yerləşdiriliblər.
Məlumata görə, ümumilikdə beş avtomobilə ziyan dəyib. Partlayış nəticəsində ərazidə yerləşən çoxmərtəbəli yaşayış binasının birinci və dördüncü mərtəbələrində də şüşələr sınıb.
Ehtimal olunur ki, avtomobilə partlayıcı qurğu qoyulub.
Bizim.Media
