Yerevanda tələbələrin etiraz aksiyası davam edir.
Virtualaz.org yerli KIV-ə istinadən bildirir ki, tələbələr parlament binasının qarşısında toplaşaraq etirazlarını bildirirlər.
"Elmin inkişafı naminə" hərəkatın üzvü Vaqan Kostanyan tələblərin təlsim olmayacağını bəyan edib. Daha sonra bir qrup tələbə parlamentə gedən yolu bağlayıb. Yerevan polisinin rəis müavini Valeri Osipyan tələbələri ərazini tərk etməyə çağırıb.xa0
Nəticədə polislərlə tələbələr arasında qarşıdurma yaranıb. Əraziyə əlavə polis qüvvələri çağırılıb. Amma polislər Baqramyan prospektindən etirazçı tələbələri uzaqlaşdıra bilməyib. Hazırda etiraz aksiyası davam edir.
Qeyd edək ki, erməni tələbələr hərbi xidmətdən möhlət hüququnun məhdudlaşdırılmasına etiraz olaraq bir neçə gündür Yerevan Dövlət Universitetinin, parlamentin, Müdafiə və Təhsil nazirliklərinin binaları yaxınlığında etiraz aksiyaları keçirirlər.
