Belarusun Türkiyədəki sabiq səfiri: “Zəngəzur dəhlizinin açılması ölkəmiz üçün çox önəmlidir” – ÖZƏL

“Belarus-Azərbaycan münasibətləri konstruktiv xarakter daşıyır. Ölkələrimiz arasında tərəfdaşlıq münasibətləri ilk növbədə dövlətlərimizin rəhbərləri arasında yüksək etimad və qarşılıqlı anlaşma sayəsində inkişaf edib”.

Bu fikirləri Bizim.Media-ya açıqlamasında Belarus Respublikasının Ankaradakı keçmiş səfiri, sabiq deputat Andrey Savinıx deyib.

Belarus Prezidenti Aleksandr Lukaşenkonun Bakı səfərini şərh edən diplomat, iki ölkə arasında münasibətlərin daha da inkişaf edəcəyinə diqqət çəkib.

“Xarici siyasətdə Belarus həmişə dinc əməkdaşlığın və qarşılıqlı faydalı inkişafın tərəfdarı olub. Ölkəmizdə kəndlərin və kiçik yaşayış məntəqələrinin inkişafı, regional iqtisadi fəaliyyətin kompleks inkişafının təmin edilməsi modellərinə çox diqqət yetirilib. Bu təcrübədən Azərbaycanın regionlarının inkişafı üçün konstruktiv şəkildə istifadə etmək olar”, - deyə A.Savinıx deyib.

Zəngəzur dəhlizinin önəminə toxunan Andrey Savinıx, mega layihənin Belarus üçün də ciddi önəm daşıdığını qeyd edib:

“Bu gün qlobal tədarük zəncirlərinin regionallaşması və məhv edilməsi və qarşılıqlı fəaliyyət şəraitində Belarus “Şimal-Cənub” nəqliyyat dəhlizini həm Belarusu, həm də Avrasiyanın bütün şimal ərazilərini Hind okeanı ölkələri ilə birləşdirən çox perspektivli bir layihə hesab edir.

Azərbaycan bütün Avrasiya qitəsinin geoiqtisadi olmayan tendensiyalarına əhəmiyyətli təsir göstərəcək bu marşrutun mərkəzindədir. Əminəm ki, bu dəhlizin inkişafı Belarus-Azərbaycan ikitərəfli münasibətlərinə də əlavə təkan verəcək”, - deyə diplomat əlavə edib.

Tehran Orucoğlu, Bizim.Media