Türkiyə Prezidenti Rəcəb Tayyib Ərdoğan Misirə rəsmi səfərə yola düşüb.
Bizim.Media Türkiyə mətbuatına istinadən xəbər verir ki, Ərdoğan səfəri çərçivəsində misirli həmkarı ilə görüşəcək.
Görüş zamanı iki ölkə arasında münasibətlərlə yanaşı, İsrail-Fələstin qarşıdurması və regional məsələlər müzakirə ediləcək.
Xatırladaq ki, Türkiyə ilə Misir arasında münasibətlər 2013-cü ildə hərbçilər tərəfindən islamçı Məhəmməd Mursinin devrilməsindən sonra pisləşib, bundan sonra tərəflər öz səfirlərini geri çağırıblar. 2021-ci ilin mart ayında Türkiyənin keçmiş xarici işlər naziri Mövlud Çavuşoğlu Ankara ilə Qahirə arasında əlaqələrin diplomatik səviyyədə bərpa olunduğunu bəyan edib.
Bizim.Media
