Türkiyədə terrorçuluğun təbliğatını aparan 110 nəfər sosial şəbəkə istifadəçisi şübhəli qismində müəyyənləşib.
Bizim.Media xəbər verir ki, bu barədə Türkiyənin daxili işlər naziri Ali Yerlikaya rəsmi “X” hesabında məlumat verib.
Nazir bildirib ki, 6 şübhəli saxlanılıb:
“Ölkə daxilindəki daha 3 təbliğatçının yaxalanması istiqamətində işlər davam edir. Şübhəlilərdən 95-nin xaricdə olduğu müəyyənləşib və onlar haqqında hüquqi prosedur başlanılıb.
Təhlükəsizlik Baş İdarəsinin Terrorla Mübarizə və Kibercinayətlərlə Mübarizə Şöbələrinin koordinasiyasında aparılan araşdırmalar çərçivəsində müəyyən edilən 15 şübhəli şəxsə qarşı keçirilən əməliyyat tədbirləri zamanı 6 nəfər hıbs edilib” , - deyə Yerlikaya qeyd edib.
Bizim.Media
